A Trip to Morphe Store

A Trip to Morphe Store || رحلة الى متجر مورفي 

اهلًا بحبيباتي

قبل شهر كنت في لوس انجلوس واول شيء سويته اني رحت لمتجر مورفي
سويت لكم تغطية في السناب شات .. وبحكم اني مقدر اروح هنا كثير ،
حبيت اوثق رحلتي للمتجر من خلال هذه التدوينه



هذه المحل القديم ،، قبل كم اسبوع فتحو المحل الجديد

اول ماتجي المحل حتلاقي التنظيم من خارج المحل
رجال امن ينظمون دخول الزبائن
حتوقفي في خط انتظار فيما لايزيد عن ٢٠ دقيقه



وبس تدخلي ....
زي ما يقولو A Girl Candy Land !
بالفعل حيجكي شعور المنبهره ..
ممكن ترتفع حرارتك من الحماس وعقلك يوقف وماتعرفي اذا تشتري ولا تتفرجي !

الفرش مترتبه ومعروضه بكميات مهوله ودك تشيلي اللي قدامك واللي وراكي..

الشيء اللي سويته في اول ماخططت لهذه الرحلة
بحثت وكتبت لسته باكثر الفرشه اللي ابغاها
فا لمن وصلت اخذت لفه و اتفرجت
وعلى طول اخذت الفرش اللي كتبتها واتاكدت اني ابغاها بعد ماشفتها في الطبيعه



نفس الشيء الباليتات بحثت واخترت اللي ابغاه
وهناك اخذتهم وزودت باليتات عجبتني في الطبيعه



لقيت باليتات 35O المطفيه و الشيمر كمان



بالنسبه للشادوهات المتفرقه موجوده
بس حبيت اخذ باليتات بدال ما اجمع بنفسي



احلا شيء المحل موفر كثير شركات
مثلا زي رموش
Blinking Beaute



وهذه كمان
والرنق لايت موجود



منتجات جفري ستار موجوده بس اغلبها مخلص للاسف

الشادو شيلد 

و بعض منتجات ال اي قيرل 

مورفي موفرين رموش لشركتهم واسعارها تجنن 

حبتين ب ٩٩ سنت 

الرحله والجوله كانت ماتتعوض
واللي تكون موجوده هناك لاززززم تمر

هذه معلومات عن المحل وموقعه -المحل الجديد طبعًا-

 : Address 
3422 W Magnolia Blv
Burbank, CA 91505

 : Burbank, CA Store Hours

Monday, Friday, Saturday and Sunday: 10:00 am - 5:30 pm PST (California Time) 

Tues, Wed & Thurs: 10:00 am - 8:00 pm PST (California Time)

Major Holidays: Closed

 : Discount Codes 

كودات تخفيض ١٠٪ 
هيا تخص اليوتيوبر ،، ممكن تستخدميها اونلاين او في المحل 

JACATTAK
MANYMUA
KATHLEENLIGHTS
NIKKI

استمتعت في هذه التدوينه 
وان شاء الله تكونو استفدتم 
وعشتو الشعور اللي عشتو انا شويه 

اشوفكم على خير

4 comments Other