Clarisonic Mia 2

Clarisonic Mia 2 Review 

كيفكم حبيباتي 

بالنسبة لي المكياج الحلو النظيف المرتب ال Flawless ,,  دائمًا السر وراه العنايه بالبشره 

العنايه بيها ماتكون بغسول وسكرب وماسك ... وخلاص ! 

استخدام جهاز تنظيف يلعب دور مره كبير في جمالها ونضارتها 

ريفيو اليوم عن جهاز كليرسونك ميا ٢ 

اتكلمت عنه الف مليون مره في الانستقرام من حبي له 

عن المنتج :

في هذه الفقره حتكلم عن ماينكتب عن هذ المنتج في المواقع او الموقع الاصلي له 

وليس رأيي الشخصي ..!

جهاز لتنظيف البشره فقط

** بعض الانواع تناسب لتنظيف الجسم كمان 

 يعمل بتقنية الذبذات اللي تنظف بشرتك احسن من يدك ب ٦ مرات 

فيه سرعتين 

الاولى للبشرات الحساسه 

الثانيه ٢٦٪ اقوى من الاولى 

يعتبر صغير في الحجم 

واكيد وتربرووف

يحتوي على شاحن + علبه للسفر 

الشاحن مغناطيسي 

يشحن لمده يوم كامل تقريبًا 

ويظل معاك حتى ٢٥ استخدام 

لمن يخلص الشحن يغمزلك 

وتروحي تشحنيه لين يوقف تغميز 

فيه مؤقت لمدة دقيقه 

٢٠ ثانيه + ٢٠ ثانيه + ١٠ ثواني + ١٠ ثواني 

تقسميها على مناطق الوجه حسب احتياجك 

مثال:

٢٠ ثانيه الذقن والانف 

٢٠ ثانيه الجبهه  

١٠ ثواني الخد 

١٠ ثواني الخد الثاني 

متوفر بعده الوان ، وانواع مختلفه 

الفرش: 

فرشتي حقت البشره الحساسه 

في انواع مره كثير 

للبشره الدهنيه، الجافه، الحساسه .... 

انواع الجهاز والفرش تقدرو تشوفوها على موقعهم 

http://www.clarisonic-me.com/index.php

** راعي ان الفرش تتغير كل ٣ شهور عشان ماتجمع بكتيرها وتسببلك مشاكل في بشرتك

رأيي عن المنتج :

مستحيل اعيش بدونه 

بشرت فرققققت مره عليه 

في بداية استخدامي له حسيت بشرتي خشنت وطلعت حبوب

 ـ وهذا فكرته عشان تخرج على سطح البشره وتعالجيها- 

والمطلوب،، الاستمرار عليه 

استمريت رغم الصعوبات 

بعدها بشرتي مررره ارتاحت له 

اول شيء لاحظته فيه راحت التصبغات اللي في وجهي تماااامًا !!!!

خفت الحبوب اللي تطلع عادة من اثار المكياج لان تنظيفه عمييييق 

ما اقدر اقول انه خلى الحبوب ماتطلع 

لاني في هالفتره طبيعي تطلعلي الحبوب وكذا.. 

احلا نتائجه النظافه اللي تحسيها في بشرتك 

حجمه مره صغير في السفر والعلبه اللي تجي معاه مره مريحه

الشاحن تبعه فظييييييع يوصل ل ٢٥ استخدام 

طاح عشرين الف مره وماصار له شيء -ماشاءالله- 

فرشة البشره الحساسه بطله بمعنى الكلمه 

اكثر شيء استخدمها 

مريحه وما تعور البشره 

طريقة استخدامي له : 

استخدمه مره في الليل 

** تقدري تسخدميه صباح ومساء حسب حاجة بشرتك 

استخدم غسول يطلع رغوه معاه 

** لاتستخدمي مقشر ،، حيكون قوي على البشره مره 

تقسيم المؤقت نفس اللي كتبته فوق 

احركه بشكل دائري وما يحتاج ضغط عليه 

** تجنبي منطقة تحت العين لانها حساسه ،، او استخدمي لها الفرشه المخصصه للعين 

اللي موجوده في اول صوره فوق 

مره استخدم السرعه الاولى ومره الثانيه

عشان بشرتي ماتتعود على سرعه معينه 

بعد ما اخلص اغسل وجهي ،، واكمل روتيني بشكل عادي جدًا 

تقيمي للمنتج : 

٩\١٠ 

زي ما قلت مقدر اعيش بدونه 

مره مره احبه 

من انصحه له اكثر شيء؟

البنات والشباب اللي بشرتهم تعبانه 

البنات اللي يستخدمو المكياج بشكل يومي 

البنات اللي عندهم بقع وتصبغات 

واي شخص حابب يحصل على بشره نظظظيفه نضره 

سعر المنتج واماكن توفره :

سعره في حدود ال ٧٠٠ ريال

موجود في سيفورا 

يارب تكونو استفدتم 

اشوفكم قريب 

6 comments Favorites, Reviews, Skin care