Morphe Makeup Haul

 Morphe Makeup Haul || مشترياتي من مورفي 

السلام عليكم ورحمة الله وبركاته
كيفكم جميلاتي

تفاعلكم في البوست اللي فات كان خيالي .. الله يسعدكم يارب
-اذا ماشفتوه شيكي على ايقونة Other حتلاقي جوله في محل مورفي-
بالتالي مره حمستوني انزل هول مورفي




الباليتات 
اخذت باليتين ايشادو
الباليت الشهير اللي مكسر الدنيا

35O Palette 
يمتاز بالوانه الترابيه و الدافيه اللي تقدري تستخدميها بشكل يومي
البعض مات والبعض شيمر



جربته علي طول .. حجربه اكثر من مره كمان عشان اكتب عنه ريفيو قريب

** سعره ٢١ دولار

35P Palette 
الوانه اغلبها من درجات الموف .. وهذه عشقي !
اكثر شيء استخدمه في السموكي لوك اللون الموفي
فا ان شاء الله الباليت هذا مناسب
فيها ايشادوهات ترابيه كمان
نفس الشيء بعضها مات وبعضها شيمر



** سعره ٢١ دولار

9B Palette 
باليت البلشرات
حبيت اجرب من كل شيء وهذا الباليت كثيير يمدحه ويستخدمه
الحلو فيه تدرج الالوان من الفاتح للغامق
وكلها مطفيه



** سعره ١٨ دولار

القلوسات 
كثير مايحب القلوس فوق الحمره
لكن بالنسبه لي كثير تجيني حالات ابغا قلوس
القلوسات هذه مدحتها اليوتيوبر جاكلين
فا حبيت اجربها
في درجات مره كثير لكن اول ما يدخل قلبي النييود
اخذت لونين
  Social
Undressed



** القلوسات سعرها ٥ دولار

الباودر 
اذا تتابعيني من زمان تعرفي ان البنانا باودر عشقي
حبيت اجرب نوع جديد لهم
للامانه ماسمعت اي مدح بس قلت اجربه بنفسي
لمن جربتها في المحل كانت ناعمه حرير فا تحمست لها
في نوعين شفافه و البنانا



** سعر الباودر ٨ دولار

الرموش 
هنا انا ضعت
اخذت من ماركة Blinking Beaute
هذه الستايلات
تحمست لها لانها منك لاش و اقدر استعملها لاكثر من ٢٥ مره



اسم الستايل : Smantha
** سعرها ٣٥ دولار



اسم الستايل : No.6
** سعرها ٣٠ دولار

لقيت كمان شركة Flutter Lashes

واخذت هذه



اسم الستايل : Prestige
** سعرها : ١٠ دولار

واخيرًا
هذه الرموش من مورفي
الرموش القصيره والخفيفه ماتتصوري قد ايش تبين طبيعيه وحلوه بدون اي شيء معاها
اخذت يمكن ١٢ حبه !



اسم الستايل : #747xs
لكي انت تتخيلي
** حبتين ب ٩٩ سنت !



واكيد اخذت فرش بكميات مهوله
لكن حتكون التدوينه مره طويله
فا الفرش بجربها وانزل لها ريفيو قريب باذن الله

استخدمت كود JACATTAK
واتخفض ١٠٪

تقدرو تطلبو اونلاين
والتاجرات يوفرو كثير منتجات منهم

وهذه كانت مشترياتي من مورفي
حاجربها قد ما اقدر عشان اعطيكم رأيي عنها
شاركوني مفضلاتكم من هذه الشركه في الكومنتات

يومكم سعيد باذن المولى 

2 comments Hauls