Anastasia Modern Renaissance Palette's Review

   Anastasia Modern Renaissance Palette's Review || ريفيو لباليت اناستازيا مودرن رينيسنس 

مساء الخير حبيباتي
ريفيو اليوم عن اشهر باليت في عالم الميك اب في الفتره الاخيره..
هل هو افضل باليت ؟ احتاجه ؟ يستاهل المدح ؟
كل هذه الاسئله حتلاقي اجوبتها في هذه التدوينة ..

عن المنتج : 

في هذه الفقره حتكلم عن ماينكتب عن هذ المنتج في المواقع او الموقع الاصلي له 

وليس رأيي الشخصي ..! 

١٤ درجة 

١١ مطفية و ٣ متاليك 

الوان واضحة

سهلة الدمج

فرشة بجهتين 

هذه الدرجات في اضاءة عادية



وهذه السواتشز

رأيي عنه : 
من اكثر الباليت عندي استخدامًا
تنوع الالوان ومواكبتها لعالم الميك اب السر !
الوان واضحه وقوييييه وسهله الدمج
استخدمه في الميك اب الصباحي للمسائي وللمناسبات كمان

استخدامي له منحصر مع الالوان المطفيه فقط
الشيمر ما قد استخدمتها
مافيه لون اسود لكن البني الغامق يفي بالغرض واكثر

لكن التناثر فيه قاتتتتتتل !
بس تحطي الفرشه الا يطير نص المنتج!
انحفر من كثر مايتناثر !!
عيب يقهرررر

الفرشة اللي معاه لاترميها .. اتعب واقول تجنن !
خصوصًا في السفر تختصر مكان كبييير

التعليب قماش مخملي يتوسخ بسرررررعه زي ماهو واضح في التصوير

لكن اعشق هالباليت وفي كل مره ارجع له
معاي في الحل والترحال

تقيمي له : 
٨\١٠
كل شيء فيه حلو
عدا التناثر و التعليب
يستاهل كل المدح والضجه
ارشحه في حال تبغي باليت جديد وبهذه الدرجات

سعره واماكن توفره : 
٤٢$ دولار امريكي
كثير تاجرات يوفروه

وهذه كانت التدوينه لليوم.. يارب تكوني انبسطتي واستفدتي منها
اشوفكم على خير 

2 comments Favorites, Reviews