My Skincare Routine

Saturday, April 15, 2017
My Skincare Routine - روتيني للعناية ببشرتي 

السلام عليكم 
كيفكم حبيباتي 
تدوينة اليوم حتكون روتيني للعناية ببشرتي 
حبيت اكتبها في المدونه لان في الفتره الاخيره بشرتي مره اتحسنت من خلال هذا الروتين 
وصارلي فتره طويله مستمره عليه 


هذه خطوات عنايتي ببشرتي طوال اليوم بالترتيب

١- غسول البشرة 
خطوه اساسية يومية ابدآ فيها روتيني


اول ما اصحى احب انظف بشئ خفيف على بشرتي

Coalface by Lush
معروفة بصابونة الفحم من لش
حبيت انها تعطي توازن لبشرتي
وتترك البشره رطبه ، لكن لازم ارطب بعدها


 بعد ما ارجع من الدوام

kiehl's Calendula deep cleansing foaming face wash 
مناسب للبشرات العادية والدهنية 
ينظف البشره بشكل عميق ويزيل الاتربة والاوساخ 
ويترك البشره رطبه
احبه واحب تنظيفه لبشرتي
استخدمه مرات بروحه ومرات بعد الميك اب مع جهاز الكليرسونك

٢- المقشر 
خطوه اعملها لمن اتحمم تقريبًا ٣ مرات اسبوعيًا
واكثر من ٣ في حالة بشرتي احتاجت تقشير


St. Ives Apricot Scrub 
مقشر للبشره يزيل الجلد الميت و يترك البشره ناعمه ونضره وفيها لمعان
من افضل المقشرات اللي جربتها
يعطي نعومه ونضاره للبشره ويشيل الجلد الميت
لكن في نفس الوقت ماهو قاسي او خشن على البشره
فا مايحسسها او يهيجها 

٤- الماسك 
خطوه اسبوعية مهمه الاستمرار عليها بنات يفرق معاك ١٨٠ درجه
مره اسبوعيًا ومرات احب مرتين اسبوعيًا
وتزيد حسب حاجة بشرتك
احب اسويها قبل المناسبات المهمه عشان الميك اب يكون بيرفكت


  The body shop Blue Corn 3-1 Deep Purifiying Scrub Mask 
ماسك من ذي بودي شوب منظف + مقشر + ماسك
اعشق تنظيييييفة العميق
و التقشير اللي يعطيني هوا
يلسع اول ماتحطيه وهذا طبيعي  لكن يستاهل النتيجه
قالو انه بينقطع عن الاسواق لكن لو شفتيه على طول خذيه
- اذا استخدمتي ماسك مقشر اعملي سكب لخطوة المقشر عشان مايكون قوي على البشرة-

The Body Shop British Rose Fresh Plumping Mask 
بعد اي ماسك مقشر او طيني
احب استخدم ماسك يعطي ترطيب
ترطيبه رهييب ،، يترك البشره ناعمه ونضره
وقلتلكم هذا قبل ان هذه الطريقه من اسرار جمال بشرتي في المناسبات
منها الفاونديشن يندمج بشكل جميل والبشره تبقى بدون عيوب
لازم لازم تجربوهم

٤- التونر 
بعد ما اغسل الماسك
امسح وجهي بقطنه فيها تونر
تساعد على توازن البشره وتزيل بقية الاوساخ
خطوه يومية حتى لو ماحطيت ماسك
احط تونر بعد المنظف


kiehl's Calendula Herbal Extract Toner 
مناسب للبشرات العادية و الدهنية 
تونر يحافظ على البشره
اذا كانت بيرفكت يحافظ علي جمالها
يعمل توازن خفيف ويزيل بقايا الاوساخ والاتربه
حبيت انه ماينشف بشرتي
احب استخدمه في الليل


Eau Roma Water 
تونر يهدئ البشره ويوازن الدهون فيها 
ريحته جميييله يعطي انتعاش
اذا بشرتك دهنية بيناسبك يمتص الدهون
لازم ارطب بعده
احبه بعد الدوام يعطيني انتعاش

٥- كريم العين 
اذا كنتي تعاني من جفاف او خطوط تحت العين
كريمات العين تساعد بشكل كبير حل هذه المشكله


 kiehl's Creamy Eye Tretement With Avocado
كريم لمنطقة تحت العين من كيلز
اعتبره المنقذ لو كانت المنطقه جافه
يخفف من الجفاف بشكل كبييير
ويساعد على تهيئة العين لقبل الميك اب
احب استخدمه في اي وقت

عشان بشرتي ماتتعود على نوع واحد من الكريمات احب ابدل
فا مرات استخدم من ذي بودي شوب

The Body Shop Drops of Youth Eye Concentrate
يعالج المنطقة اكثر من ترطيبها
ترطيبه خفيف

٦- السيروم 
اعتبر هذه الخطوه اضافية لو بشرتك بيرفكت
لكن اذا تحتاجي نضاره او علاج لبشرتك المرهقه فا تعتبر خطوه حتفرق معاكي كثير



The Body Shop Drops of Youth Serum
نضاره في علبه !
تعبت امدحه لكم
يعطي نضاره وبشره صحيه ورويانه
رهيب بمعنى الكلمه

٧- زيت البشرة 
نفس الشيء خطوه اضافية لصاحبات البشرتات الصحيه
لكن اذا بشرتك مرهقه تحتاج ترطيب فا هي خطوه بتفرق معاك



kiehl's Midnight Recovery Concentrate
مافيه اي علاج للبشره
ترطييييب لا اكثر
لكن ترطيب حلو ومريح للبشره
هذا يستخدم في الليل

٨- كريم الترطيب 
كل روتين البشره في كريم المرطب
هو الاساس بعد الغسول وعليه البشره اما ترتاح او تتعب



kiehl's Ultra Facial Cream
بشرتي مختلطه
لكن اعشق ترطيب هالكريم
يدهن لكن انا راضيه لاني بستخدمه ومابحط فاوندينشن بعده
اذا بشرتك جافه بتعشقيه
واذا دهنيه ما انصحك فيه

٩- مرطب الشفايف
جمال الحمره من جمال شفايفك
كيف لو شفايفك ناشفه ولا مقشره ؟ 



Smith's Minted Rose Lip Palm
المرطب السحري
اتكلمت عنه في مدونه كامله
ترطيبه عميييييق
شفايفك تتقشر في الشاور معاه

١٠- معالج الحبوب 
الحبوب احاول قد ما اقدر اعالجها اول ما تطلعلي
بايش؟
المعالجات الموضعيه للحبوب



Mario Badesco Drying Lotion
اتكلمت عنه قبل كثير في المدونه
تحطيه والحبه تختفي اليوم الثاني
مرات تطول ومرات بسرعه تروح
لكن مره مفييييد

١١- مزيل المكياج 
اذا قالولي عندك خطوه وحده بس تسويها في روتينك ايش بتكون ؟
ازالة الميكاج!
بنات ما اتخيل كيف ممكن تنامي بدون ماتشيليه!!!!
بشرتك بتتعدم
حتطلع الحبوب
وحتطلع الرؤوس السوداء
اول مابدأت مكياج ماكنت ازيله بشكل كامل ! بحكم ماكان فيه كليرسونك ولا كل هذه الخطوات في روتيني
كل يوم اصحي بحبه!!
حاليًا ماتطلع الحبوب غير وقت الدوره الشهريه !
وهذا يدل على ان الميك اب مايطلع حبوب لكن عدم ازالة الميك اب هو اللي يطلع الحبوب !



Givenchy Clean it Silky Makeup Remover    
حاليًا بستخدم هذا المزيل
جميل مهو واو
يزيل لكن يبقى شوي ميك اب
بعدها على طول اغسل وجهي بالغسول ومرات مع الكليرسونك


هذا كان روتين عنايتي ببشرتي
ان شاء الله تكوني استفدتي
شاركيني روتينك في الكومينتات
اشوفكم على خير 

0 comments:

Post a Comment