HOW TO .. DEPOT A POWDER
كيفكم حبيباتي
نزلت على السناب شات ،، كيف تعلمي ديبوت ؟
حبيت انزل تدوينه عنه عشان الكل يقدر يرجع لها في اي وقت
الديبوت انك تخرجي شادو ، باودر، بلش ، برونزر .. اي شيء تبيه من علبته
الطريقه هذه تقدري تطبقيها على اي منتج تبغيه
الفكره منه :
توفير للمساحه سواء في التخزين في الادراج او في السفر
ايش تحتاجي ؟
ولاعه + باليت + ملقاط ماتبغيه
بس!
نبدأ ؟؟
اول شيء :
حاولي تشيلي القاعده اللي غالبًا تكون تحت المنتج
بعضها مالها قاعده وبعضها سهله في الفك زي دي
ثاني شيء :
شغلي الولاعه من تحت المنتج مباشره ،، لين تسيح
تقريبًا اقل من خمسه دقايق وتسيح معاك
وتصير معاك بهذا الشكل
ثالث شيء :
خذي الملقاط وحاولي تضغطي على المنتج زي الصوره تمامًا
مع الحراره بينزل ويطيح
وبكذا تكون خلاص انفتحت وطاحت
تقدري تشيلي الستكر من العلبه وتحطيها عليه
عشان ماتنسي الدرجه او اسم المنتج
في حال ماثبتت معاك في الباليت
تقدري تستخدمي مغناطيس لاصق
يجي مع اغلب الباليتات الفاضيه
تحطيه من تحت وتلصقي عليه الورقه
وعلى الباليت
وكذا وفرتي مساحه !
تقدري تسوي باليت تجمعي فيه منتجاتك اللي تحبيها بهذه الطريقه
يارب تكونو استفدتم
يومكم سعيد باذن الله
حبيت الطريقة مره بسيطة و سهله ❤❤
ReplyDeleteيعطيك العافية حبيبتي ❤
الله يسعدك
Delete