Winged Eyeliner

Winged Eyeliner || الايلاينر 

السلام عليكم

اعتقد من اساسيات الميك اب .. الأيلاينر
 ماصارت في بنت إلا وتبغى تتعلم كيف تسوي ايلاينر

هذه الايام مع السوشال ميديا صار كل شيء سهللللل
الايلاينر نازله له الف طريقة عشان تسويه

حكتب طريقتين للايلاينر

وحده للمبتدأت
ووحده للعندهم خبره اكثر

الطريقة الأولى : 

باستخدام اللصق



١- خذي قطعه من اللصق حطيها على يدك في البدايه حطيها وشيليها كذا مره بس عشان يخف الصمغ اللي فيها
بالتالي ما تعورك ولا تكون قويه عليك
٢- تاكدي انها ماشيه مع خط الرمش السفلي وانها في نفس المكان لكل العينين
٣- ارسمي الونق في البدايه زي الصوره
٤- ارجعي من نهاية الونق لين بدايه العين
٥- عبي الفراغ
٦- شيلي اللصق بشويش

هالطريقه ما انصحك تسويها كل مره ،، على الاقل بس اتعلمي عليها ،، ممكن كثرة استعمال اللصق يسبب تجاعيد

معلومه!
الايلاينر من اكثر الاشياء اللي تحتاج تمرس وتدرب ،، جربي مره اثنين ثلاثه لانه نادرًا ما يكون بيرفكت من اول مره
جربي اكثر من نوع ،، عشان تعرفي ايش يناسبك وايش ترتاحي عليه اكثر.



الطريقة الثانيه :

 

١- ابدأي بخط الونق ،، كانك ماشيه من نهاية خط الرمش السفلي
٢- ارجعي من نهاية الونق و كملي الايلاينر لمنتصف خط الرمش العلوي
٣- كملي من البدايه لين منتصف خط الرمش العلوي
٤- عبي الفراغات

نصيحه!
كا مبتدأه انصحكم بالجل ايلاينر
يعطيكي تحكم اكثر لانها لاهو مره سائل ولا مره ناشف

أفضل ايلاينر ؟ 
جوابي يكون ، مافي شيء محدد
الكل يختلف في ذوقه و طريقة الرسم اللي تعود عليها
بالنسبه لي العشق اثنين
The balm - Schwing
NYC - Liquid Eyeliner

شكرًا لكم
اشوفكم قريب جميلاتي

2 comments How to, Tips