Illuminators

الاضاءات الكريميه || Cream Illuminators 

كيفكم ياجميلات 

تدوينة اليوم عن الاضاءات الكريميه

كيف تستخدميها ؟ 

وريفيو سريع لها 

الاضاءات الكريميه من اكثر المنتجات اللي تعطيكي لوك طبيعي حيوي ونضر
سهله في الاستخدام وتوفر عليكي وقت
وتعطيكي نتائج وكآنك تعبتي عليها

كيف استخدمها ؟ 
اول طريقة :
تعمليلها مكس مع الفاونديشن

كميه بسيطه من الاضاءة تخلطيها مع الفاونديشن
وتوزعيها كانك بتوزعي الفاونديشن عادي
تحول الفاونديشن من مات لديوي

ثاني طريقة :
تحطيها في اماكن الاضاءه
زي عضمة الخذ
تحت الحاجب
الذقن
فوق الشفايف



وفوقها تحطي الفاونديشن
حتلاقي انها تعكس الاناره بشكل طبييييعي

ثالث طريقة :
كا برايمر

كيف ؟
استخدمها بعد كريم الترطيب زي البرايمر
وبعدها احط باودر بشكل خفيف
نفس الشيء تعطي لوك طبيعي وديوي في اقل وقت ممكن

في كل الحالات نادرًا ما تعطي لون قد ما تعطي لمعان طبيعي



لها اكثر من طريقة وانت سوي الشيء اللي يناسب بشرتك



Becca Shimmering skin perfecters
عندي منها حجمين بدرجتين مختلفه
تجنن
تندمج بسهوووووله وتعطي لوك ديوي ناعم
بدون ماتدهن البشره



Strobe Cream by Mac
نفس الشيء تمااامًا لكن الاضاءه فيه طبيعيه اكثر
احبه ومن زمان استخدمه
لكن ممكن يدهن البشره بشكل خفيف



Prep&Prime Pins by Mac
اقلام الاضاءه من ماك
متوفره بعدة درجات
عندي اللي جايه على اصفر و وردي
احبها مع الكونسيلر عشان تعطي اناره
ومرات استخدمها لوحدها بدون كونسيلر
تعطي لون خفييف جدًا



كمان استخدمها في مناطق التنوير في البشره
عشان تعمل توازن للفاونديشن
بدل مايكون لون واحد

كمان انظف فيها الكونتور الكريمي لو نزل على تحت كثير !

وهذه كانت تدوينة اليوم
ان شاء الله تكوني استفدتي
اشوفكم قريب 

Leave a Comment Reviews